Дали сте во потрга по активност која ќе ви го раздвижи цело тело, ќе ве направи да се чувствувате убаво и ќе ви помогне за губење на тие неколку килограми плус, што ве мачат со месеци?
Тоа што го барате е дефинитивно Пилатес!!!
Зошто Пилатес? Што го прави Пилатесот супериорен споредено со други типови на тренинзи?
Пилатесот е активност која подеднакво го активира и телото и умот. После добар час пилатес ќе се чувствувате исполнети и среќни, полни со енергија и ентузијазам и со нетрпение ќе го очекувате следниот час.
Зошто да изберете Пилатес, кој се придобивките од редовното практикување на ваков тип на тренинг?
Пилатесот е физичка активност која ги активира сите мускули во телото споредено со други типови на тренинг кои се фокусираат само на одредени мускулни групи или пак се чисти кардио тренинзи. Пилатесот е активност која ги раздвижува и активира сите мускули во телото, дури и оние најмали мускулчиња кои не ни знаеме дека постојат. Вежбите во пилатесот се конципирани така што постепено се постигнува активација на целото тело што ја забрзува циркулацијата и го подобрува дотокот на крв во сите органи. Тоа предизвикува забрзана елиминација на токсини од телото, чувство на леснотија, зголемена енергија и уште милион други придобивки кои се резултат на целокупното раздвижување на телото кое ретко се постигнува со друга активност.
Пилатесот задолжително вклучува вежби за истегнување и подобрување на флексибилноста на телото што придонесува зајакнување на целокупниот мускуло-скелетен систем. Проблемите со болки во грбот кои се најзастапени меѓу популацијата успешно можете да ги елиминирате доколку редовно практикувате пилатес.
Најголем дел од луѓето работат седечка работа што подразбира 8 часа постојано седење, тоа е една од главните причини за зголемување на тежината, проблеми со циркулација, болки во грбот, проблеми со спиењето, зголемен стрес и појава на метаболички синдром кој сериозно може да го наруши целокупното здравје.
Што претставува метаболички синдром?
Физичката активност е задолжителна доколку се грижите за своето здравје. Без разлика колку години имате, никогаш не е доцна да започнете. Позитивните ефекти ќе ги почувствувате брзо и токму тие ќе ви бидат мотивација и поттик да не се откажете лесно. На почеток се додека да ја креирате навиката за вежбање можеби ќе ви биде тешко, но потоа сето тоа станува рутина и составен дел од вашето секојдневие без кој денот не е ист.
Ако сте од оние кај кои изговорот “немам време” е најголемата пречка за започнување со физичка активност, тогаш престанете да се лажете себе си. Имате време 3 пати во неделата по 1 час, сите имаме, треба само добра организација на активностите. Благодетот и позитивните ефекти кои ги носи вежбањето се многу посилни од изговорите, но треба време за да го сфатите тоа.
Доброто расположение, позитивите мисли и убавото чувство на леснотија ќе ве направат попродуктивни и многу полесно и побрзо ќе ги завршувате домашните обврски, а доколку учите многу полесно ќе се концентрирате и ќе имате подобра меморија.
Вежбањето ќе ве направи подобра и посреќна мајка, подобра сопруга и личност која ќе шири позитивна енергија.
Вреди да инвестирате дел од вашето скапоцено време затоа што позитивните ефекти се огромни.
Нашето студио FitLife Fitness Studio е специјализирано студио за Аеробик и Пилатес, лоцирани сме на две локации во Скопје и тоа: Кисела Вода и Козле.
Соединувајќи вежби за мобилност, сила, флексибилност и кондиција креираме часови наменети за секого.
Кај нас ќе го најдете тоа што ви е потребно и што е најважно мотивација која нема да дозволи лесно да се откажете!
Изберете ја групата која најмногу ви одговара и резервирајте си што поскоро место на телефон 071 273 982 или на 077 766 950.
facebook група: Аеробик и Пилатес – FitLife Fitness Studio
facebook страна: fitlife.com.mk
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.